Լավագույն տնային դեղամիջոցը բրոնխիտի դեմ. tert.am

Healthy Life Idea-ն բրոնխիտի բուժման բաղադրատոմս է ներկայացրել, որը շատ է  կիրառվում   ժողովրդական բժշկության մեջ:

Այն պատրաստելու համար անհրաժեշտ բաղադրիչներն են.

- 50 գրամ եզան լեզվի տերև,
- 20 գրամ եղինջ,
- 5-7 ընկույզ,
- 30 գրամ շագանակագույն շաքարավազ,
- 0.5 կգ մեղր:

Պատրաստման եղանակը

Անհրաժեշտ է լավ լվացած եզան լեզվի տերևները, եղինջը և ջարդված կեղևով ընկույզը (այնպես, որ ընկույզը բաց լինի, բայց  ոչ կեղևազատված) լցնել 1 լիտր ջրի մեջ: 30 րոպե եփելուց հետո պետք է այն վերցնել կրակից, թողնել` զովանա, որից հետո պետք է քամել հեղուկը, ավելացնել 30 գրամ շաքարավազը և մեղրը: Պետք է լավ խառնել մինչև թթվասերի խտության զանգված ստացվի, ապա 24 ժամ պահել մութ և զով տեղում: Մեկ օր հետո խառնուրդը պատրաստ է օգտագործման համար:

Չափաբաժինը մեծահասակների համար` 1 ճաշի գդալ առավոտյան և երեկոյան:
Չափաբաժինը երեխաների համար` 1 թեյի գդալ առավոտյան և երեկոյան:

Հարցեր, պատասխաններ, մեկնաբանություններ